నేనూ, పుస్తకాలూ, రెండువేల ఇరవయ్యొకటీ …

 నా పుస్తకాల చదువు కబుర్లు 2021 వ సంవత్సరానికి ఇక్కడ పుస్తకం.నెట్ లో.

We Ate The Children Last - Yann Martel

 

దాదాపు పదేళ్ళ క్రిందట Life of Pi చదివి, యాన్ మార్టెల్ కి అభిమాని అయిపోయాను. తరువాత ఆయన రాసిన ప్రతీది దొరికినంత వరకూ చదివేసాను. ఆ వెదుకులాటలో ఆయన 'We Ate The Children Last ' అనే కథ రాసారని తెలిసి, దానికోసం తెగ వెదికాను. వెతగ్గా వెతగ్గా ఓ నాలుగేళ్ళ తర్వాత ఒక కథల పుస్తకం ఇంగ్లాండ్ అమెజాన్ సైట్ల దొరికితే అక్కడ నుండి తెప్పించుకున్నాను. కానీ అందులో ఈ కథ లేదు. అందులోని కథలు Life of Pi కన్నా పదేళ్ళ ముందు రాసినవి. ఆ పుస్తకం పేరు "The Facts behind the Helsinki Roccamatios". (దీని పరిచయం ఇక్కడ.)

ఇన్పేళ్నుగా పట్టు వదలకుండా గుర్తొచ్చినప్పుడల్లా ఆ కథ కోసం వెదుకుతూనే ఉన్నాను. రచయితని కాంటాక్ట్ చేసి అడిగేద్దామా అని ఎన్నోసార్లు అనుకున్నాను కానీ, నా చొరవలేనితనంతో ఆగిపోయాను.

ఇపుడు మళ్ళీ వెదుకుతుంటే ఈ కథ, దాని ఆధారంగా తీసిన సినిమా (Short Film; 12 min Long) కూడా కనిపించాయి. (ఇన్నాళ్ళూ ఏం వెదికానో మరి, కథ 2004 లోనే Guardian లో ఉంది. నాకెందుకో కథ పేరు 'We ate our children last' అన్నట్టు గుర్తు, అయినా సెర్చ్ లో ఏదో ఒకటి రావాలి కదా! Still wondering myself on that.)

ఇక కథ విషయానికి వస్తే, Life of Pi అపుడే, ఈ మనిషికి ఈ ఆలోచనలు ఎలా వస్తాయిరా బాబోయ్ అనుకున్నాను, ముఖ్యంగా ఆ వింత దీవి వర్ణనలూ, సముద్రంలో చేపల వర్ణనలూ. Too much Verbose and imagination. Beatrice and Virgil కూడా అంతే. ఇంతకు ముందు చదివిన 'The Moon Above His Head' గానీ, ఈ కథ గానీ అసలు ఐడియాలు ఎలా వస్తాయో!! మొత్తానికి పదేళ్ళ వెతుకులాట ముగిసింది.

కథ లింక్ గార్డియన్ సైట్ లో ఇక్కడ. 

Short Film on You Tube:

The Moon Above His Head - Yann Martel

While searching for something by one of my favorite author, Yann Martel, I stumbled upon this story. It was written as part of an anthology "Freedom: Stories Celebrating the Universal Declaration of Human Rights".

చదవడం మొదలుపెట్టగానే చిన్న జలదరింపు ఒంటిలో. ముక్కుమూసుకుని ఊపిరి బిగబట్టి, ముందు ముందు ఏం కాబోతుందా అని విస్తుపోతూ, రచయిత మీద నమ్మకంతో చదవడం కొనసాగిస్తే, చివరికి ఏముంది?? బిగబెట్టిన ఊపిరిని వదిలిపెట్టినా ఆడని శ్వాస, చెమ్మగిల్లిన కళ్ళూ, మనసులో అదోలాంటి శూన్యం. Yes, count your blessings once again.

పుస్తకం ఆర్డర్ చేసుకున్నాను వెంటనే. మిగిలినవి కథలు ఇంకెలా ఉన్నాయో మరి.

కథ ఇక్కడ చదవండి.

కథలో చెప్పిన రెస్ట్ రూమ్ ఇలా ఉంటుంది.