ఆజ్ జానే కి జిద్ నా కరో

Yunhi pehloo mein baithe raho

Aaj jaane ki zid na karo 

Hai mar jaayenge, hum to lut jaayenge

aisi baate kiya na karo 

పయనమయే ప్రియతమా, ఆ ఒక్కటీ అనకు సుమా ...

ఫయ్యాజ్ హష్మీ వ్రాసిన ఒక అద్భుతమయిన  గజల్ 'ఆజ్ జానే కి జిద్ నా కరో'. నాకెంతో ఇష్టమయినదీ, వరుసగా కొన్ని పదుల సార్లు విన్నా కూడా తనివితీరనిదీ అయిన ఈ పాటంటే నాకు పిచ్చి. దీనికి ఒక అందమయిన భాష్యం కినిగేలో చూసాను 'విషాద వెన్నెల నిషాదం' అని. 

"వస్తే చాలు. వెళ్తూ మాత్రం – ప్రాణాలను తోడుకుపోకు.

నువు కదిలితే కదిలేది కాలం మాత్రమే అనుకోకు. నా లోని జీవం కూడా"  (కినిగే పత్రిక నుంచి )

హబీబ్ వలీ మొహమ్మద్, ఫరీదా ఖానుం, ఆశా భోంస్లే, రూప్ కుమార్ రాథోడ్, తలత్ అజీజ్, రహమాన్, షఫ్కత్ అమానత్ అలీ, శ్రేయా ఘోషాల్, అనూప్ జలోటా.... ఇంకా చాలామంది గజల్ సింగర్స్ పాడారు ఈ పాటని.  మొదటగా ఈ పాటని ఓ పాకిస్తానీ సినిమాకోసం హబీబ్ పాడారట. అయితే భాగోద్వేగాలను పలికించడంలోనూ,  కలిగించడంలోనూ ఫరీదా ఖానుం వర్షన్ రారాజు అనిపిస్తుంది నాకు. 

ఫిమేల్ వర్షన్స్, నాకు నచ్చినవి అదే వరుసలో --

ఫరీదా వర్షన్ లో వినిపించే లాంగింగ్ నెస్, దిగులూ మనసుని కోసేస్తుంది. విన్నప్పుడు కంటి నుండి నీటి చుక్క రాకుండా ఆపుకోవడం అసంభవం.

రోహిణి రవాడా ... బెస్ట్ ఆఫ్టర్ ఫరీదా.  సిన్సియర్ అండ్ సక్సెస్ ఫుల్ ఎఫర్ట్స్.

ఆశా భోంస్లే ...వీడియో చూడకుండా వినడానికి నచ్చుతుంది నాకు. ఆవిడ ఆహార్యం, పాడుతూ ఆవిడ చూపే హావభావాలు, ఆవిడ పాటలో ఒలికించిన లాలిత్యాన్ని దూరం చేసినట్టే అనిపిస్తుంది నాకు. అయితే వీడియోలో కొన్ని సీన్స్ మాత్రం బాగా దిగులు పుట్టిస్తాయి. 

మేల్ వర్షన్స్ లో నాకు నచ్చినవి అదే వరుసలో - 

హబీబ్ మొహమ్మద్ పాడిన వర్షన్ కొంచెం లైటర్ టోన్ లో తన  ప్రేయసిని అనునయిస్తున్నట్టు, బ్రతిమాలుతున్నట్టూ ఉంటుంది. నాకు తెలిసినంతవరకూ ఇదే మొదటి వర్షన్ ఈ పాటకి.   లైటర్ టోన్ లో విన్నదీ ఇదొక్కటేనేమో బహుశా. 

షఫ్కత్ అమానత్ అలీ ...మేల్ వర్షన్స్ లో, దిగులు మూడ్ లో పాడిన వాటిల్లో  బెస్ట్ అనిపించింది. 

రహమాన్ ... పర్వాలేదు, ఆ లాంగింగ్ నెస్ పలికించడానికి ప్రయత్నించాడు. కాకపోతే డెప్త్ చాలలేదని అనిపించింది నాకు. గుండెని అలా తాకుతూ తాకుతూ జారిపోయింది.

http://mtv.in.com/videos/episodes/mtv/unplugged-2-ar-rahman-aaj-jaane-ki-zidd-na-karo-full-song-12598.html

రూప్ కుమార్...ఇతని గొంతూ పాట నాకు ఎంత ఇష్టమో. అయితే ఈ పాటతో మాత్రం నన్ను చాలా నిరాశ పరిచాడు. ప్చ్. 

అనూప్ జలోటా ... కొంచెం వినగానే ఎపుడో కైలాష్ శర్మ అనుకుంటాను, ఇతను పాడే విధాన్ని ఇమిటేషన్ చేసినది గుర్తుకు వచ్చి పకాలున నవ్వు వచ్చింది. అస్సలు ఏ ఫీలింగూ కలిగించని వర్షన్ ఇది. 

Kabhi Tanhayion Mein

"నువ్వు ఒంటరిగా ఉన్నప్పుడెపుడో  అకస్మాత్తుగా నా ఆలోచనలు నిన్ను చుట్టుముడతాయి. నీ చుట్టూ గాడాంధకారం అలుముకుంటున్నప్పుడు, నా జ్ఞాపకం ఓ మెరుపై మెరుస్తుంది. ఆ మెరుపు నీ ప్రేమప్రపంచాన్ని దగ్ధం చేసి పోతుంది, ఆపై నువ్వు బ్రతకనూ లేవు, నీకు చావూ రాదు. ఎప్పుడో  నీ హృదయంలో నా ప్రేమ తుఫాన్ లా వెల్లువెత్తుతుంది. ఈ ప్రేమలో అగ్ని కూడా దహించుకుపోతుంది, ఇక నువ్వెంత? ఆ వెల్లువలో కొట్టుకుపోతావ్. ప్రేమలో మునిగి మురిసిన క్షణాల అనుభవాలు నీ మదిని తాకినపుడు, అది తట్టుకోలేక  నీ హృదయం పరుగులెడుతుంది. నీ వూపిరి రెపరెపలాడుతుంది. ఎపుడో  నా జ్ఞాపకం నిన్ను మెరుపయి భస్మం చేస్తుంది. అపుడిక నీకు బ్రతుకూ లేదు. చావూ రాదు. " 

ముబారక్ బేగం, 'కభీ తన్హాయియోన్ మే' పర్యాయపదాలుగా మారడం చరిత్ర. కొన్ని చరిత్రలు మాసిపోవు. చర్విత చరణాలవుతాయి. అందులో ఒకటి ఈ పాట. అసలు పాట మొదట్లో సంగీతమొకటే ఒక ఎత్తు, గుండెని సుడులు తిప్పుతూ ఆత్మను శరీరం నుండి వేరుచేస్తున్నట్టూ. బేగం గొంతు చేయించే కిన్నెరలోక సంచారం ఒకెత్తు. కేదార్ నాథ్ శర్మ గారి రచన అజరామరం చెయ్యడానికి కేవలం ఈ ఒక్కపాట చాలు. చాలనిదొక్కటే ... ప్యాసా దిల్. ఎక్కడ ఎన్నేళ్ళుగా వెదికినా కేవలం ఒక్క చరణం మాత్రమే దొరికింది.మొన్నెప్పుడో  దాహం తీరక ఇంకా ఇంకా వెదుక్కుంటుంటే మీనూ బక్షీ అనే ఆమె పాడిన వెర్షన్  దొరికింది. చివరి రెండు చరణాలూ ఒరిజినల్గా కేదార్ శర్మ వ్రాసినవేనా లేక స్వయంగా కవయిత్రి అయిన మీనూ బక్షీ వ్రాసినవో తెలియదు. ఫిర్ సే అనే ఆల్బం లో దీంతోపాటు  ఇంకా కొన్ని ఫేమస్ గజల్స్ పాడారు.

బేగం గొంతులో 'నేను లేకుండా నువ్వేం శాంతంగా ఉంటావో నాకు తెలీదా ' అన్న కవ్వింపు, 'నీకే తెలుస్తుందిలే ముందుముందు' అన్న ధీమా లీలగా విన్పిస్తుంటాయి. అదిగో, ఆ సెల్ఫ్ కాన్ఫిడెన్స్తో కూడిన చిరు అతిశయం మిస్సయ్యింది మీను బక్షీ గొంతులో. మొదటిసారి వినగానే, ఒరిజినల్ తో పోల్చుకుని నిరాశ పడినా, వినగా వినగా మీనూ బక్షీ పాడినది కూడా ఇష్టంగా మారిపోయింది. 

kabhi tanhaiyon mein yun, hamaari yaad aayegi

andhere chhaa rahe honge, ke bijli kaundh jaayegi

ye bijli raakh kar jaeygi, tere pyaar ki duniya

na phir tu jee sakega, aur na tujh ko maut aayegi

tumhare dil mein ubharega, hamare pyar ka toofan 

jalegi is dagar aag bhi, ke tujhko rondh jaayegi 

jehan pe chaayenge jab, pyar mein gujare huye lamhe 

oh dhadkan tej ho jaayegi, saanse kaunf jaayegi

మొత్తం పాట - మీను బక్షీ వర్షన్ 

ఒరిజినల్ -ముబారక్ బేగం